Aggduell
Immer aggduell isch, wenn`s ums Gäld goot.
Wie jede Verein, sinn au mir uff Passiv-Mitgliider und Aggdivi aagwiise.
Falls Du Luscht hesch by uns aggdiv oder passiv mit z`mache, so kasch Du Di gärn mit uns in Verbindig setze.
Dr Aggdiv-Byydraag wird jewiils an dr GV bekannt gee und doo nid publiziert.
Dr Byydraag fir Passiv-Mitgliider blybt au in däm Joor unveränderet.
| Ainzel-Passiv-Mitgliidbyydraag: | 40.- Frangge |
| Familie-Passiv-Mitgliiderbyydraag: | 60.- Frangge |
By de Familie sinn Kinder bis zem 16 Lääbensjoor, wo im glyyche Huushalt lääbe gratis.
D`Passivmitgliidschaft duurt jewiils vom erschte Jänner bis zem 31. Dezämber.
Falls uns ebber mecht als Gönner byystoo, isch dass nadyyrlig au e sehr willkommeni Geeschte. Mir mechte die Person(e) bitte, sich diräggt mit unserem Obmaa in Verbindig z`setze.
Wie unseri bestehende Passiv-Mitgliider wisse, mache mir zwai mol im Joor e Heftli mitem Name „Dänggwäärzli-News“. Fir d`Wyterfiehrig vo däm Heftli isches wichtig, dass mir wyteri Inseränte finde und sueche.Doo unsere Uffruef an Alli, wo Ihr Inserat gärn mechte in unserem Heftli blatziere.
Bryyslischte fir Inserat in de „Dänggwäärzli-News“:
| Inseratgreessi | Bryyss fir ai Ussgab | Bryyss fir zwai Ussgabe |
| ai ganzi Syte hoch oder quer | 90.- Frangge | 150.- Frangge |
| ai halbi Syte hoch oder quer | 60.- Frangge | 100.- Frangge |
Jede Inseränt bykunnt unser Heftli „Dänggwäärzli-News“ automatisch zuegstellt.
Wer jetzt syy Inserat mecht in unserem Heftli veröffentlige, schiggt bitte e Entwurf oder äähnlichs an uns „Dänggwäärzli“.
Bitte vergässed nid Eyere Absänder mit Eyerer Adrässe bekannt z`gee.
Vo uns griegt dr Inseränt dr Yyzaaligsschyyn zuegstellt und nach dr Yyberwyysig vom Inseratebedraag,
dien mir s`Inserat veröffentlige.
Sände deerfe Dir Eyeri Inserats-Underlaage an folgendi Adrässe:
Fasnachtsclique „Dänggwäärzli-Waggis“
Herrn Max Häni
Walkeweg 16
4053 Basel