Dräffpungt

Wenn uns „Dänggwäärzli“ mol perseenlig mechtsch kennelehre, so chumm uns doch ganz spontan emol koo bsueche. Finde kasch uns an unserne Hogg- Date im Restaurant Ziegelhof. Unseri Hogg- Date findsch im yybrige au uff unserer Hompage. Luegsch aifach mol unter Jooresprogramm, deert findsch alli Aagabe wo Du bruche duesch.

Unseri Hogg fange in dr Regel immer am Achti Zobe aa und geehn soo lang, bis dr letscht duet Haime dyysele.

Bitte achtet bym lääse druff, ob no ebbis derby stoot by däm Hogg wo Ihr bsueche wänd. Es het ainigi, wo nur fir die Aggdive sinn. Die Date syyn wirgglig nur fir die Aggdive bestimmt und mir hoffe, dass das vo Eych respegdierd wird.

Beschte Dangg fir Eyer Verständnis.

Doo no d'Adrässe vo unserem Hogg-Stammdisch:

Restaurant Pizzeria Ziegelhof
Grenzacherstrasse 223
4058 Basel
Telefon: 061/681 81 91

Nadyyrlig drifft mer uns au an dr Fasnacht im „Gladdi- Chäller“ aa. Uns z`finde isch nid schwär, mir sitze an unserem Stammdisch hinde rächts. Sohtsch Du mol yynehluege kenne und es isch niemer ume vo uns, so froog aifach s`Chällerpersonal. Ebber wird denn scho wisse wo und wie mer uns ereiche kaa.

Was, Du waisch gar nid wo dr „Gladdi- Chäller“ isch?

Dr „Gladdi- Chäller“ ereichsch am beschte mit de öffentliche Verkehrsmittel.
Dass wäre zem ainte d`Buslinie 31 und 34 bis zem Claraplatz oder Dramlinie 8 ebefalls bis zem Claraplatz.
Vo doo uss goot mer z`fuess, uff dr rächte Stroossesyte entlang, verby am Glaider Vögele und de Reno Schueh.
Vo doo gseht mer dr Schueh- Vögele und anstatt in Laade yyne, goot mer links dervo yyne und d`Stääge aabe.

Wer vom Bahnhof SBB här kunnt, kaa s`Drämli Nummere zwai neh und bis an d`Muschtermäss fahre.
Vo doo uss kaa mer laufe oder s`Drämli neh für ai Haltstell. (Aber nid dr Zwaier!)
Z`Fuess lauft mer uff dr lingge Stroossesyte graad uss.
Vorby am Plaza, am Red Rosé, am Pub, und am Claraboschte.
Jetzt kunnt mer au vo doo här zem Reno Schuehlaade und kaa de Andere noochelaufe.
Wer ganz clever isch, nimmt s`Drämmli Nummere Säggs, Vierzää oder Fuffzää bis an d`Haltstell Clarastrooss.
Äntwäder stoot mer jetzt vorem Coop oder vorem Restaurant Rhyfälderhof.
Wer vorem Coop stoot, sofort d`Strooss überquere.
Vom Restaurant Rhyfälderhof ca. 50 Meter retour laufe und scho stoot mer vorem Reno Schuehlaade.
Vo doo uss goots wie gsayt, links yyne und d`Stääge aabe.

Unde aacho, aifach durch dr langi Gang marschiere und am Änd vo däm Dunnel kunnsch diräggt in Chäller vo dr „Guggemuusig Gladdi- Addore“!

Dr „Gladdi- Chäller“ liggt im Glaybasel an gueter Fasnachtlaag.
Bitte beachtet by unserem Wäägbeschriib no de letschti Hiiwyys.

Während dr Basler Fasnacht isch d`Innerstadt fir dr ganzi Dram- und Busverkehr gsperrt!
Dr „Gladdi- Chäller“ kaa in dere Zyt nur z`Fuess oder per Taxi ereicht wärde.

Soht ebber miteme Kinderwaage oder Rollstuehl uns koo bsueche, so dient dass bitte voraamälde oder schigged ebber aabe und mir lootse Eych durch d`Garage boodeeebe zu uns in Chäller.

Fir die letschte Wäägfrooge z`kenne besyytige, hän mir noo e Bläänli gmacht.

Bis hoffendlig bald, by uns am Stammdisch im „Gladdi- Chäller“.