Fasnacht 2018

dw-kopf 300

Was fir e Gschicht –
Boscht macht dicht!


D PTT Bosse das sii mer no Gselle
die stryyche nämmli jetzt e huffe Stelle
Denn sii weii jo ändlich ihri Rue
drum mache sii ei Boscht nach dr andere zue.

Dyywohner sii nämmli jetzt die Dumme
denn es stöhn nurno gääli Käschte ume
Au s Phäggli nämme sy wieder mit Hei
den d Schlitz zums yywärfe isch viel z glai

Drum nimmt sich die Ooberschti vo d Boscht
sich die Sach zu Häärze und zur Bruscht
Sy lott sich e Jdee jo lieber schängge
doorum mien ihri Globis fir sy dängge

Goosch zum Metzger jo bigoscht
bikoonsch dörte au dy Boscht
Und wiirsch in e Gpreech verwygglet
wird d Wuurscht diräggt mit ygwygglet

D Brieffträäger Müller hetts kappiert
er wird als Böschtler jetzte ussradiert
Doorum het er sich e Kaschte bstellt
und e eigini My Boscht, sich in Gaarte gstellt

Goot in Minchestai Boschtstell wiirgglig zue
bringt das mys Mieti nit uss d Rue
Gääl bewegt - so duets Boscht verdigge
drum duet sii alles, mitem Drämli verschigge

Gäägeligääl isch unser Wage
doorum cha PTT sich nit beklagge
Denn an d Faasnacht jo bigoscht
bikoonsch vom Wage dyni eigini Boscht

Goot d Hauptboscht z Basel au no zue
hei mer Dänggwäärzli jo viel zdue
Denn unser Wage mer findes glatt
Isch die einzigi Boscht no in däre Stadt

Als alte Böschtler - das muesch gse
ha yych als Bebbi e tolli Jdee
Denn all dye Duube do am Rhy
setz yych als Brieffdyybli wieder y

Ziircher hei jetzt nüt me zlache
Boscht loots noonemool richtig grache
Denn wotsch s Oberland go gniesse
dyen sii Bushaltstelle au no schliesse

E Paketzuestellig duet sich nimme lohne,
me verschiggt jetzt d Phäggli neu mit Drohne.
S brucht nur no aine wo am Schälterli druggt,
Science Fiction vom feynschte isch das nitt veruggt.

D Boscht Finance chasch nümmi draue,
sii wei im Gundeli neu jetzt baue.
Baukommission hei sii au scho troffe,
ums Gälld au richtig jo zverloche.

D Boschtchauffeure mien sich nimme abhetze,
die duet me mit computergschtyrte Audi ersetze.
Und setsch du glich no es Billiet ha
Denn seit e Stimm - lüt eifach 18 18 a

D UNESCO draait jetzt an d Uur
d Baslerfaasnacht ,wird zur Kultur
au d Regierig findet das so glatt
nur Boscht het Ihri Kultur jetzt satt.

Wotsch du z Basel was verschigge
muess yych als Waggis, dir was verkligge
Denn mitem dreier Drämmli jo bygoscht
fahrsch du diräggt zur Franzoose Boscht

In dr Rhygass hets e huffe Schnäggli
doorum bringt d Böschtler dört au Phäggli
Sali zämme – seit er wenn er koont
und Tschüss zämme – nach zwei Stund

Mer Dänggwäärzli mache no lang nit schlab,
be uns goht d Boscht jetzt nämlich ab.
Und mer als Globi , dass muesch gseh ha
unter www.daenggwaeaerzli.ch

D Ladäärne-Uusstellig uff em Minschterplatz und
d Waage- und Reggwisyte-Uusstellig bi dr Kasäärne
sin vom Määntig znacht bis am Mittwuch demoorge!
Deert und an de 3 Verkaufsständ (CINS) in dr Stadt ka
men au alli Zeedel und Schnitzelbängg, d Blaggedde
und dr Rädäbäng kaufe.

Am Fritig und Samschtig, 23. und 24. Februar 2018 isch
Noochwuggswärbig vo dr 1. Lektion im Zält uff em Barfi.

D’Zeedellääsete isch am Sunntig noo dr Fasnacht 2018 am
25. Februar vom Fimfi bis am Siibeni zoobe,
in dr Baseldytschi Bihni (im Lohnhof).
Dr Ytritt isch vergääbe. D Foyer-Bar isch vom Vieri ewägg offe.

www.daenggwaeaerzli.ch / www.grafik.buespi.ch

   

Näggschte 10 Termine  

  • 25.08.2018
    Sujetsitzung
  • 31.08.2018
    Hock / Schwyzerhüsli
  • 01.09.2018
    Grillplausch??
  • 08.09.2018
    1. Wagenbau?
  • 15.09.2018
    Wagenbau
  • 22.09.2018 - 23.09.2018
    Lottomatsch/DW
  • 28.09.2018
    Hock / Schwyzerhüsli
  • 29.09.2018
    Wagenbau
  • 06.10.2018
    Wagenbau
  • 13.10.2018
    Wagenbau
   
© Dänggwäärzli
© 2018 Waageglygge Dänggwäärzli-Waggis 1992 - Basel