Fasnacht 2017

dw-kopf 300

«MER SY EM YYSATZ»

Vor 200 Joor do isch es passiert
Polizei isch in dr Stadt Basel Yymaaschiert
Usgrüschtet mit Helm, Knübel isch dä Gsell
S fehltem nur no d Armbruscht vom Wilhelm Tell

D Robert Heuss, dä alti Bappe
Isch hütte nömmi, e Schmiirlappe
Drum stellt er jetzte, jo es Gsuech
Fiir sy Schugger Määrlibuech

Uneri Schugger, die Bolizischte
göhrte au grat no in Kischte
Denn hei sy e Unfall mitem Drämmli
gsehn sy uss wie d Legomännli

Au an dr Faasnacht wird jo Patruliert
wir Wäägeler wärte au no kontrolliert
und bisch mitere Räpplikanone jo bewaffnet
wird die ganzi Clique grad verhaftet

Wotsch es Fotti vo dym neue Kaare
Denn muesch bimene Blitzkaschte duure fahre
Den bechonsch e Abzug und e Buess
Und vom Schuggermysli no e schöne Gruess

Herscht im Joggeli unde e Tumolt
Het dr FCB dr Maischtertitel gohlt
Au d Schugger riebe sich do jo d Händ
den sy tribe alli Ziircher jetzt vom Gländ

E Grossyysatz in d Freie, mitz in d Stadt
wäge 150 Stüehl , mer Bebbi finde das glatt
hälfe sogar no mit, hei keini Problem
be ihrem Spiel, DIE REISE NACH JERUSALEM

S Comite, s isch so ne Sach
Het mit d Schuggerei jo Krach
Wie die sich jo gar niit löhn lo sage
mien sy Joor fiir Joor s gliche Koschtüm trage

Los Bebbi, muesch nöömi ummedobe
wäge d Containerstadt, im Dreyspitz obe
Denn unsiri Regiirig, die heiss scho gässe
sy hei nur, d Schuggerboschte jo vergässe

Isch e Ybrächer jo in sicht
macht d Bolizeyhund nur sy Pflicht
Er schnappt zue, Bälld und Bälld
denn jetzt isch er und nit d Schugger d Häld

D Hauptposcht als neue Schuggerboschte
Was meinsch was würd d Kanton das Choschte
Basel würdi denn ändlich anderscht tigge
und Buesse chönt me au schnäller verschigge

D’St. Alban – Rhywääg isch verschwunde
Ha drfiir die neu Velostross dört gfunde.
Und d’Schugger verdiene sich e goldigi Nase
vo all dänne, wo dört düenn duure Rasse

Wotsch s’Bürgerrächt du do am Rhy
Denn setsch e ächte Basler sy
Doch hüt das muess y au als Schugger sage
Muesch drfiir nur e Burka trage

Mer Dänggwäärzli Schugger findes toll
Unser Waage dä isch bis obe voll
Drum hei mer e Yysatz do am Rhy
Drei Tag Faasnacht das muess halt sy

Los wotsch au emol, e Schugger oder Waggis sy
Denn lueg bi uns Dänggwäärzli doch verby
Uuskumpft, chasch diräggt am Waage ha
oder unter www.daengwaeaerzli.ch


D Ladäärne-Uusstellig uff em Minschterplatz und
d Waage- und Reggwisyte-Uusstellig bi dr Kasäärne
sin vom Määntig znacht bis am Mittwuch demoorge!
Deert und an de 3 Verkaufsständ (CINS) in dr Stadt ka
men au alli Zeedel und Schnitzelbängg, d Blaggedde
und dr Rädäbäng kaufe.

Am Fritig und Samschtig, 10. und 11.März 2017 isch
Noochwuggswärbig vo dr 1. Lektion im Zält uff em Barfi.

D’Zeedellääsete isch am Sunntig noo dr Fasnacht 2016 am
12. März vom Fimfi bis am Siibeni zoobe,
in dr Baseldytschi Bihni (im Lohnhof).
Dr Ytritt isch vergääbe. D Foyer-Bar isch vom Vieri ewägg offe.

www.daenggwaeaerzli.ch / www.grafik.buespi.ch
   

Näggschte 10 Termine  

  • 16.12.2017
    Wagenbau?
  • 06.01.2018
    Wagenbau / Bowlingplausch
  • 13.01.2018
    Wagenbau
  • 20.01.2018
    Wagenbau
  • 26.01.2018
    Hock/ Schwyzerhüsli
  • 27.01.2018
    Wagenbau
  • 03.02.2018
    Unvorhergesehenes
  • 10.02.2018
    Unvorhergesehenes
  • 17.02.2018
    Wagenverschieben IWB
  • 19.02.2018 - 21.02.2018
    Basler Fasnacht 2018
   

Verherige 5 Termine  

   
© Dänggwäärzli
© 2017 Waageglygge Dänggwäärzli-Waggis 1992 - Basel